Transcription
1
Monseigneur, j’ay receu la lettre qu’il vous a pleu mescripre du XXIIe de ce moys ;
2
et touchant au Pontz de Royans, je nay fally dy envoier incontinent
3
deux hommes qui nous raportèrent que ny avoit personne que vingt cincq
4
ou trante belitres conduictz par le filz dung barbier du lyeu ; que après
5
avoir faict quelques prisonniers, sen allèrent soudeynement. Monsieur de
6
La Baulme nous a baillé le mesme advertissement par une lettre que
7les consulz de ceste ville mavoient proumys vous faire tenir [barré : soudeynement ] ,
8
laquelle monsieur de la Roche veit soudain qu’elle fust arrivée
9
et sans ce quil me promirent vous la faire tenir incontinent avecques
10
ung paquet qui vous venoit de Grenoble, je neusse fally vous
11
advertir plustost. A ce jourdhuy, monsieur de Montelliez
12
et monsieur de Chatronières sont partis de ceste ville pour aller
13
à La Baulme et de là à la Bastie. Sil entendent de ce cousté
14
là quelque chose qui merite vous adverir, ilz ne fauldront point
15
vous advertir, et si ilz adressent la votre à moy, comme ilz mont
16
promys, je ne fauldrey la vous faire tenir inconintent. Touchant
17
à la lettres du cappitaine Balatier soudain estre arrivée en ceste ville,
18
je ne fallis luy envoyer par ung sien voisin ; et despuis nen ay
19
heu aulcunes nouvelles. Je pance qu’il soit allé à Dye resouldre
20
quelque chose avecq monsieur de Glandages. Si vous luy escripvez,
21
je ne fauldrey luy faire tenir voz lettres le plus seurement que je pourrey,
22que sera lendroit [barré : mo ] que je sallueray voz bonnes graces de mes très humbles
23
recommandations, et prie Dieu
24
monseigneur, vous donner en bonne santé heureuse vie et longue.
25
de Romans, ce XXIIIe mars 1574
26
Vostre très humble et très obeissant
27
serviteur, Collon